संताली पा़रसी-साँवहेंत् लाहान्ति रे रेव. एफ.टी काॅल आक् एनेम: मित् तोच्बिच् पानाड़हाव

DOI: https://doi.org/10.63345/ijrsml.v14.i8.1

Dr. Amit Murmu

Assistant Professor (NBAP)

PG Department of Santali

S.K.M. University, Dumka

सारांश:- संतालको तालारे मिशनरी लेकाते का़मी ला़गित् दो़ आ़डी आयमा मिशनरी साहेबको हेच्लेन ताहेंकाना। आसो़लकायते अमेरिका, कनाडा, डेनमार्क, इंग्लैंड, जर्मन, नाॅर्वे, स्वीडेन, स्काॅटलैंड एमान दिसा़मरेन आयमा मिशनरीको 1824 साल खो़न 1966 साल हा़बिच् संतालको तालारे ताहेंकातेको का़मीकेदा। जो़तो़ मिशनरीकोगे धो़रा़ेम पो़रचार साँव-साँवते संतालकोवाक् ओ़लो़क् पाड़हाव रेयाक् लाहान्ति, हो़ड़मो़ हालो़त् जो़गाव दो़हो़य सेलेत् लाहान्ति, ताहेंन-तापाहेन उतना़उ मेताक्मे जियोन धारा सेलेत् उतना़उ आर संताली पा़रसी लाहान्ति बाबो़त होंको का़मीवाकादा। ओनको मिशनरीको मुदरे रेव. एफ.टी काॅल दो़य ताहें काना मित् ओ़नो़लिया़, खो़ंदरो़दिया़ आर मित् पा़रसी आ़किलमान चर्च मिशनरी।